Meeting kaihruaitu Chief Minister chuan Chapchar Kut chu Mizo kutpui a nih angin zau leh lian thei ang bera hman zui zel \ha a tih thu sawiin mawhphurhna chelhtuten inpe taka an lo thawh tawh \hinna chu fakawm a tih thu a sawi a. Kumin atan pawh thahnemngai taka thawhho puiah a sawm a ni.
Kumin Chapchar Kut hi Aizawl Sipai Lammualah hman leh tura ruahman a ni a, a ni khatna, February ni 28 chu Mizo infiamna chi hrang hrang entirna hunah hmangin, Art & Culture Minister Pu R. Lalzirliana chu Kut Pa ah ruat a ni a, March ni 1 chu a lawmna pui ber a ni ang a, Chief Minister Pu Zoramthanga chu Kut Pa a ni ang. Kumin Chapchar Kut-ah hian thupuiah ‘Zofate Inpumkhatna’ tih thlan a ni a. Kumdang ang bawkin Chapchar Kut hman chhung hian Mizo hnam ziarang pho lang tam thei tur zawnga hnam thuam inbel uar turin mipuite beisei an ni. Kut pual hian painting leh photo exhibition te, flower show, food court siam leh handloom & handicraft exhibition te buatsaih leh tum a ni.
