Chanmari West Branch YMA huaihawtin nizan khan an veng chhunga kohhran leh tlawmngai pawl hrang hrang leh Local Council hruaituten an khawtlang a ralmuan a, ruihhlo chi hrang hrang laka an thianghlim zawk theih dan tur an sawi hova. An veng YMA Zawlbuk-a inrawnkhawmnaah hian Central YMA kumpuan ram leh hnam humhalh kawngah lungrual taka hmalak ho an tum thu te, an veng chhunga ruihhlo ti \hin leh veng dang a\anga ruihhlo zuar \hinte chu ti tawh lo tura an duh thu te, National Highway No. 54 kawngpui kama lirthei chhia khawih chet lohva rei tak awm tawhte chu kawng a tih chep avangin a neitute chu a rang lama senghawi tura an duh thu leh an senghawi lo a nih chuan a \ul anga hma an lak tur thu te, zan lama boruak ti\awp leh tiralmuang lo thei khawpa kawng kama lirthei sil \hin te chu titawh lo tur leh veng daifem lai deuha ruihhlo ti \hinte fuankhawmna hmunte chu khauh zawka khuahkhirha hmalak an tum thu an sawi a a ni.
