Sairang leh Mualkhang inkara Changsil kai bulah vawiin chhun khan truck pakhat, Aizawl atanga Silchar lam pan kawng thlangah a tlan liam a, he truck-a chuang hnamdang vek mi 7 zinga 2 chu hmuh an la ni lo. Sairang Police Station atanga thudawn danin he truck hi vai khalh a ni a, kawng laia tui tling hel a tumna lamah kawng thlangah tlan liamin a thlangah Tlawng luiah a tla lut a, motor chanve ai tam mah tuiah a pil a, motor-a chuang zinga dama lak chhuah mi 5 te chu Sairang damdawi inah hruai an ni a, an zinga 3 chu an na vak lovin a lang a, 2 erawh chu an na deuh niin a lang a ni. He chetsualna thlenga mi chhanchhuah ngaite hi a chhehvela awm te leh Sairang YMA ten an buaipui nghal a, vawiin tlai thleng khan mi 2 chin hriat loha bo ta te chinchang chu chiang zawka hriat theih a la ni lo a ni.
