Champhai Tlangsam Branch YMA in an member pakhat Zoram Medical College-a boral ta chu covid-19 a kai em tih hriat a nih hmaa a ruang hospital a\anga chhuahtir a ni leh a chhungte pawh test result nghah chhung tal dah hran an ni lo chu pawi an tih thu an sawi.

Tlangsam Branch YMA chuan he thilah hian Tlangsam mipuite an ralkhelin an chiai phah nasa hle tih an sawi a, damlo chu Covid-19 a nih leh nih loh test result nghah laia thi a ni tih hre reng chunga a ruang thlenna tur Tlangsam khawtlang hriattir an ni lo leh fimkhur tura ngen an ni lo chu an hrethiam lo hle tih sawiin, test result chu lo positive palhin Covid-19 kai lo ni ta se Tlangsam mipuite chuan an tuar nasa hle thei a ni an ti a, hei hi thuneituten pawi an ti lo nia an hriat thu leh an dem thu an sawi. Tlangsam Branch YMA chuan an member thi chu Covid-19 kai nemnghet ni tawh anga social media-a thu thehdarh a awm chu pawi an tih thu pawh sawiin hetiang thil hi thleng nawn tawh lo se an duh tih an sawi.