Amah lawmna inkhawma thusawiin Pu TJ Lalnuntluanga chuan mipuiten an lawmna chu a beisei loh leh phu loh niin a sawi a, an hotute duhsakna avanga Law & Judicial Deptt., Parliamentary Affairs Deptt., Transport leh Evironment, Forest & Climate Change Deptt. enkawl tura ruat a ni chu lawmawm a tih thu sawiin, rinawmna, dikna leh taihmakna nen a hna chu thawh a tum thu leh Zoram thar siam tura \an lak a tum thu a sawi a ni. Pu TJ Lalnuntluanga chuan Champhai mipuite chu amah fin chhuah tur leh \awiawm turin a ngen a, mipuite chu thil dik lo leh danin a phal lohte tihluihtir tum lo tura ngenin, danin a phal chin zelah khawtlang leh mipuite mamawh pe tura hnathawh a tum thu a sawi a ni. Law & Judicial Minister thar chuan sorkar policy angin hleih nei lo leh party awmna hran vanga tumah thlei bik nei lova, a dawng tur dik tak ten an dawn tur an hmuh theih a \ul thu te, hmasawnna tura Plan leh Project siam reng reng lang tlang theia thawha a hun dik taka zawh tum a \ul thu a sawi a ni.
