Champhai District Village Council intawh khawm ni 2 chhung awh tur chu vawiin khan Champhai Town Hall-ah tan a ni a. Champhai North bialtu MLA, Pu TT. Zothansanga’n a hmanpui. He intawh khawmnaah hian Champhai District chhunga VC 108 zinga hnathawk tha zual thlan chhuah pathum – Biate, Pawlrang leh Samthang VC te chu trophy leh tangkafai hlan an ni.
—————
Lungleiah pawh Lunglei District Village Council intawh khawm hi vawiin khan Convention Center-ah tan a ni a. LAD Minister, Pu PC Lalthanliana’n a hmanpui. He inkhawm hi Lunglei Addl. DC, Pu Benjamin Lalzama’n a kaihruai a, Lunglei West bialtu MLA, Pu Chalrosanga Ralte-in thu a sawi bawk.
