Champhai CMO Dr. R Lianmawia hnen atanga thu a dawn danin, vawiin thleng State pawn atanga rawn haw DPRC Building Quarantine Centre-ah mi 30 dah luh an ni tawh a, Champhaia la thleng lo hi mi tlemte chauh an awm tawh a ni. Champhai Quarantine Centre-ah hian mi 32 an awm mek a, an zinga pakhat chu State pawna atanga lo haw buaipuitu a ni a, mi pakhat erawh dan lova khawsa khunghran a ni thung. Covid 19 hri len hnuah Champhai District chhungah hian mi 67 te Quarantine Centre-ah dah luh tawh an ni a, an zinga mi 35 te chu ni 14 an awm hnuah Covid 19 kai rinhlelhawma an awm loh avangin chhuah tir an ni tawh a. Champhai District-ah hian In lama khung hran mi 603 an awm tawh bawk.
