Zoram People’s Movement (ZPM) Treasurer, Pu F. Rodingliana leh amah \awiawmtuten Champhai District-ah ni 100 feh chhuah hun an hmang mek a, tun hnaia Vangchhia leh Kelkang tlawha an pawl tihchakna tura beihpui an thlak hnuah vawiin khan Champhai Press Club-ah thuthar thehdarhtute kawmin an thil tum an sawifiah a, Pu Rodingliana chuan kum tam tak chhung, Mizoramin Party sorkar a lo neih tawhten mipui mamawh an pek theih loh avangin Party sorkar ni lo, \angrual sorkar din a ngai ta niin a sawi a, tun hma lam zawnga Party hrang hrang sorkar ten mipui rilru tichhe zawng leh intodelh lo zawnga an hruai avangin lam siam\hatna uar a ngai ta niin a sawi a, hemi rual hian ei leh bar bakah kawlphethaa intodelh te, kawng \ha siam te chu an thil tum niin a sawi a ni. He inkhawma thusawitu dang, Pu C. Zairemmawia leh Chhinglung Israel pawl hruaitu, Pu Biakkunga te pawhin Pathian duh dan anga Mizoram siam \hat a \ul thu te, mipuite rilru sukthlek dan pawh siam danglam a \ul thu te, Mizo mize dik tak, tlawmngaihna, aia upa zahna, taimakna leh huaisenna te tun din a nih leh theih nan ZPM chuan beihpui a thlak mek niin an sawi a ni.
