Ram khua leh tui dik tak ten an nihna leh chanvo an hriat theihna tur dan inhrilhhriatna Legal Services Camp nimin khan Champhai Kahrawt venga YMA Hall-ah neih a ni. He programme hi Mizoram Legal Services Authority buatsaiha neih a ni a, hetah hian Champhai District MJA President, C. Lalhnunpuia chuan thusawiin India rama mihring awm zawng zawng tluklehdingawn khat leh vbch 34 te chu State 29 leh UT 7-a rorel khawlten enkawlin hmasawnna rahbi hrang hrang sorkar laipuiin a siam sak a, chuta tang chuan mitinin an chanvo tur an chan phak a ngai a, chuvangin mipuite zirtirna pek a ngai niin a sawi a ni. He beihpuithlakah hian Mizoram Legal Services Authority Member Secretary, Pu Vanlalenmawia kaihhruaiin Bank hrang hrang te leh Department hrang hrang ten anmahni tangkai lehzuala mipuiin an dawr theih dan tur an hrilhfiah a ni. Hemi bakah hian Mizoram Motor Accident Claims Tribunal Presiding Officer, Pu KL Liana leh Senior Advocate, Pu KV Tlangmawia ten Court-in thubuai a ngaihtuah dan leh hremna a pek dan te mipuite Court, Lok Adalat hnathawh dan te an sawifiah a ni.
