Urban Development & Poverty Alleviation Department sum hmangin thlan chhawng siam hna hi nikum January ni 24 khan thawh \an a ni a, October ni 26 khan thlan chhawrdawh hi peihfel a ni a. Chhawng tinah thlan 27 dahin, chhawng 5 a awm a. A vaiin thlan 135 a awm a ni. A chhak siam belhah thlan 28 a awm bawk a, a vaiin thlan 163 a awm a ni.
Chief Minister Pu Zoramthanga hovin thlan chhawrdawh siam thar hi hawn a ni a, thlan chhawr dawh hi a dung 80 ft. niin a vang 16 ft. a ni a. A hnuaia thlan siamna chin hi a dung 70ft. leh a vang 8 ft. a ni. A hnuaiah hian feet 3 biala zau leh thuk tui chhe paihna tur laih khuar a ni a, he khurah hian lei me chhungkhatin mitthi ruang a\anga tui chhuakte lo hip kang thei tura duan a ni a. Thlan zawng zawng hi a mal malin pipe hmanga drain ah zawmluh vek a ni a, mitthi atanga tui lo chhuak te drain ah a luh vek theih nan slab hi a hnung lamah a awiha chhun vek a ni. Thlan chhawrdawh siam nan hian sorkar a\angin cheng nuai 29 sing7 sang 3 ruahman a ni a. YMA chhiatni thatni fund atangin cheng nuai thum hman tel a ni bawk.
Chief Minister Pu Zoramthanga chuan Chaltlang khawtlangin midangte tan pawha entawntlak an ngaihtuah chhuak chu lawmawm a tih thu a sawi a, khawpui a cheng mihring pung zelah mitthi an pun ve zel avangin mitthi inphum dan kalphungah ngaihtuahna thar neih a \ul tawh a ni a ti.
Chief Secretary Pu Lalnunmawia Chuaungo bakah Aizawl Dy. Mayor Pu Lalrintluanga, CYMA President Pu Vanlalruata leh Chaltlang Local Council Chairman Pu R.C. Vanlalhlimchhana te pawhin thu an sawi a. Chaltlang Br. YMA President Pu Hnamhlunchhunga’n inkhawm hi a kaihruai a ni.
