Sesawng Bazar-a a mah lawmna inkhawm neihah Pu Lalrinliana Sailo chuan, Chalfilh bial chhung khaw hrang hrang mamawh a hriat thu sawiin, bial mipuiten chak zawka hma an sawn theih nan theihtawp a chhuah tur thu a sawi. A bial mipuite chu campaign laia an au hla hrang hrangte hriatsak reng tura chahin, Village Council, tlawmngai pawl leh Kohhran-te chu finchhuah zel turin a sawm a ni.
Hemi hnua hian Sesawng VC leh tlawmngai pawl leh zirtirtu pawlten Pu Lalrinliana Sailo hi an kawm a, an khawtlang mamawh hrang hrangte an thlen a. An inkawm zawh hnu hian Khawruhlian lam panin a chhuak nghal a, zanin hian Khawruhlian-ah a riak ang a, a bial chhung khaw hrang hrang a fan chhunzawm a ni.
