Arunachal Pradesh CM, Pema Khandu-a’n Chakma leh Hajong mi, ILP nei lote chu an state-ah an awm phal a nih loh tur thu a sawi a, hemi chungchangah hian state sorkar-in harsatna engpawh hmachhawn a inhuam thu leh a kaihhruai sorkarin thuneihna a chan chhungin hemi kawnga harsatna awm thei zawng zawng chin fel an tum thu a sawi. Pema Khandu chuan an harsatna tawh tam zawk chu a hmaa Congress kaihhruai sorkar a\anga an rochun nia sawiin, tunlaia Chakma leh Hajong mite avanga an buaina pawh Congress party avanga in\an niin a sawi bawk. Arunachal Pradesh CM hian an raltlante hnena ram khua leh tui nihna pek chu sorkar laipui thutlukna tur a nih rualin, ILP nei lote chu an state chhunga awm leh luh hrim hrim pawh an remtih loh tur thu a sawi bawk a ni.
Pu Khandu hian an state-a Tibet mi, raltlante chungchang pawh sawiin Chakma leh Hajong raltlante anga ram khua leh tui nihna an phut ve loh thu leh, sorkar laipui leh Tibet ramin Tibetan Rehabilitation Policy thu an lo thlun tawh angin, state sorkarin ei leh in tur bakah chhawmdawlna hrang hrang a pe \hin tih a sawi a, TRP hnuaia Tibetan raltlante enkawl zel dan tur-ah pawh zirlai pawlte leh tualchhung pawl hrang hrangte ngaihdan an ngaihchan zel tur thu leh heng mite pawh hi in leh lo neih emaw, sorkar hna an thawh emaw phalsak an nih lohna turin \an an la zel dawn tih a sawi a, Tibet mi, raltlante hi ram danga hnathawk tura an kal \hin avangin, raltlan zat pawh hi kum tin an kiam zel niin a sawi.
