Chakma Autonomus District Council inthlan puan a nih thuai theih nan hma la turin MNF in vawiin khan Governor an ngen. An lehkha thehluhah CADC inthlanna neih hun tur, a hun taka puang tura ngenna an lo thlen tawh chu sawilangin, kumin March ni 5-a District Council Affairs Deptt. kal tlanga Governor in State Election Commission hma la tura a lo hriattir tawh chu state sorkar thuneituten huphetin vawiin thlengin hmalak zuina a la awm lo niin an sawi a, CADC inthlan buatsaih tur hian Lawngtlai Dist. thuneitute chu an inpeih tawh tih an lehkhaah chuan an tarlang bawk. MNF chuan, Larsap in CADC hotute chu thutlukna lian tham siam tawh lo tura a hriattir chungin CADC hotute hian vawiin thlengin sorkar hnathar te lain, a hnathawk te kaisanna tur leh hremna leh an hna atanga chawlhtir thlengin thuneihna an la lantir niin an tarlang bawk a. Heng chhan hrang rhang avang hian Larsap chu SEC hnenah inthlan hun ruat fel thuai tur te, CADC hotute thuneihna chu laksaka inthlan neih zawh hma chuan a thuneihna hmanga CADC chu enkawl rih tur tein an ngen a ni. He lehkha thehluh naah hian MNF Treasurer Pu Vanlalzawma MLA, Dr K Beichhuah MLA leh an party hotu \henkhat te an tel a, Larsap hi a awm loh avangin a Secretary in a lo dawng a ni.
