Chakma Autonomous District Council Deputy Chairman atan Mohesh Boran Chakma chu vawiin khan chuhtu awm lova thlantlin a ni. Deputy Chairman thlanna session vawiina Chawngtea neih hi an Chairman, Pu Amaresh Chakma-in a kaihruai a, he inthlannaah hian Mohesh Boran Chakma chauh hi candidate awm chhun a nih avangin Chairman chuan chuhtu awm lova thlantlin a ni tih a puang a ni.

CADC-a Deputy Chairman thlan nawn lehna chhan hi he dinhmun chelhtu Pu Durya Dhan Chakma chu Executive Member ni tura rawt a nih hnuah January ni 31-a a ban tak vang a ni. Deputy Chairman atana thlan thar, Mohesh Boran Chakma hi nikuma inthlannaah khan Ajasora bial a\anga MNF ticket-a thlantlin a ni.

Puan tawh angin Member 20 awmna, Chakma Autonomous District Council-ah hian MNF sorkar thar pu Rashik Mohan Chakma kaihhruai January ni 21 khan lakluh a ni a, MNF member pakhat a thih hnuah tun dinhmunah member 19 an awm a, he sorkar thar hi MNF Member 7 leh Congress MDC MNF zawm thar 4-te siam a ni.