Chakma Autonomous District Council a Chief Executive Member, Pu Shanti Jivan Chakma no-confidence motion hmanga nimina paih a nih hnuah Deputy Chairman Pu Durya Dhan Chakma chuan District Council & Minority Affairs Secretary hnenah hma la tura ngenna thlen nghal.

A lehkhaah Deputy Chairman chuan CEM chu an dan anga dik taka thiltia paih niin a sawi a, No-Confience Motion nimina sawiho hnua vote lakah CEM paih duh lamah member 10 in vote an pe a, duh lo lamah member 1 in vote a thlak a, member 7-te chuan khawi lamah mah vote an pe lo tih sawiin MNF Legislature Party-in hruaitu a tana an thlan, Pu Rashik Mohan Chakma chu sorkar siam tir thuai turin a ngen a ni.

He mi hnua Mizoram sorkar a\anga thu dawn danin Chakma Autonomous District Council-a boruak inlumlet chungchang a lehkha thelhluh hi Larsap chuan a ngaihtuah thuai beisei a ni.