CADC Dy Chairman Durjya Dhan Chakma chuan vawiina CADC thlasik \hutkhawmah CEM hi paih a nih thu ziakin, District Council Affairs Secretary hnenah a thlen a, CEM rin tawk lohna motion hi tlai dar 3 hnu hret khan pass anih thu tarlangin, paih duhtu lamah member 10 in vote an thlak thu leh a duh lo lamah member pakhat chauhin vote thlak thu a thlen a ni.
Hetihlai hian BJP leh Congress Legislature party hruaitute chuan vawiin vek khan Chawngte Sub-Divisional Officer kaltlangin Larsap hnenah lehkha an thelut ve nghal a, an lehkhaah chuan tun hnaia CADC Chairman paih a nih chungchangah dan piah lama thil tih a awm nia sawiin, hei hi MNF legislature party-in dik lo taka an hmalakna niin an sawi a ni. District Council sorkar Chairman chuan danin thuneihna a pek angin nikum December ni 14 khan thlasik \hutkhawm a ko a, \hutkhawm \an ni hian member zinga mi Pu Dangu Amit Kumar Chakma chuan Chairman Pu Buddha Lila Chakma banna tur rawtna a pu lut a. Hetiang hi thil awm dan a nih avangin Chairman chuan hemi ni vek hian Chairman a nihna a\anga banna thehlut nghalin, ni 16 a\anga a ban tur thu a sawi a. Hetiang hi a nih laiin, Speaker-in Session Hall a luh chuan Deputy Chairman Pu Dangu Durjya Dhan Chakma chuan \hutkhawm chu kaihruai turin Chairman \hutnaah a lo \hu a, hei hi Chairman chuan ngaihthiam lovin a ban hmain ni 2 chhung hun a la neih thu leh inkhawm a kaihruai tur thu a sawi chungin Deputy Chairman chuan \hutna a ken duh loh avangin rorel inkhawm tihtawp lailawk nghal a ni a. Hemi hnua rorel inkhawm \an a nih leh hnuah pawh Deputy Chairman hian Chiarman \huthleng chu luah lehin, Chairman chu paih a ni tih a puang a ni.
Hetiang hi thil awmdan a nih avangin CADC-a BJP leh Congress Legislature Party hruaitute chuan vawiin khan Larsap hnenah lehkha thehlutin CADC-a inthlanna neih \hat an phut a. Hei bakah hian Deputy Chairman, Pu Dangu Durjyo Dhan Chakma chuan dan lovin rorel inkhawm a kaihruai nia sawiin, hei hi titawp nghal turte, CADC dan Rule 74 (1) in a sawi angin Deputy Chairman chu Chairman paih tura thuneihna nei a nih loh avangin Chairman paih a nihna order chu sut leh nghal tur te, CADC sorkar inkaihhruainaah pawisa thiltihtheihna hman a nasat thu leh hetiang a nih chuan rorelna \ha a awm theih dawn loh avangin CADC Term kal mek chu \hiat a, a rang thei anga inthlanna buatsaih an phut thu te Larsap hnena lehkha an thehluhah chuan an tarlang a ni.
