Seling leh Champhai inkar kawng chu chak zawka siam a nih theih nan Champhai leh Aizawl inkar bakah Zokhawthar leh Aizawl inkara Maxicab tlante chu Keifang lama tlan lovin Khawzawl a\angin Khawhai-Biate-Khawlailung-Kei\um kawngah an tlan dawn. Hemi chungchang hi Champhai Bawrhsap, Pu Vanlalngaihsaka hovin vawiin khan a Pisa-ah Champhai-Aizawl Maxicab Owner Welfare Association leh Zokhawthar-Aizawl Maxicab Owner Welfare Association aiawhten an sawiho a, rem an ti tlang a, Champhai Bawrhsap Office a\anga hriattirna erawh chu siam a ni dawn lo a ni. Kawng kual zawk lama tlan a nih dawn avang hian Maxicab Owners Association chuan Champhai leh Aizawl inkara Maxicab chuan man, Rs.500 ni \hin chu Rs.800-ah an tisang dawn nia thu dawn a ni bawk.
Seling leh Champhai inkara kawng chhe zual lai chu siam zui zel a ni a, PWD hotute sawi danin, khaw awm danin a zir chuan YMA General Conference hmain he kawng chhe laiah hian lung phaha, chil mam hman vek a ni ang. Hnathawh chak theih nan Aizawl Bawrhsap, Dr. A. Muthumma chuan Cr.PC Section 144 tlawh chhanin nimin khan motor lian intlan chhawk dan tur thupek a chhuah a, Aizawl a\anga Champhai pante chu Thawh\anni, Nilaini, Zirtawpni leh Pathianni-ah an kal ang a, Champhai a\anga Aizawl pante chu Thawhlehni, Ningani leh Inrinni-ah Aizawl panin an kal dawn a ni. He thup>k hi khauh taka ken kawh tum a ni.
