Centrally Sponsored Scheme hnuaia Hindi zirtirtu 1305 rawih \hin, central a\anga an hlawh tur dawn a nih tak loh avanga tawp ta te chungchang vawiin Assembly rorel inkhawmah sawi chhuah a ni a, Education Minsiter Pu Lalchhama Ralte chuan Hindi zirtirtu engemawzat rawih leh tumin central sorkar nen indawr chhunzawm zel a ni tih a sawi.

Pu Chhante-a hian Hindi zirtirtu ruai leh tur hian sorkar chuan theihtawpin hma a la a, nikum October ni 23 khan central sorkar chuan a hmaa zirtirtu 1305 lo rawih tawhte chu chhunzawm theih a nih loh thu leh scheme thar anga kalpui a \ul thu Mizoram sorkar a hriattir a, naupang 10 awmna chin schoolah te dil tur an rawn hriattir angin hemi mil hian zirtirtu 950 rawih dilna thlen a ni a ti a, an lo enfiah hnuah central sorkar chuan nikum December ni 4 khan hindi zirtirtu 665 lak phalna Mizoram sorkar a pe a, amaherawhchu hei hi kumin March ni 31 thleng atan chauh a ni a, academic session lo awm leh turah pawh rawih chhunzawm phalna dil a ni a, ziaka intiamkamna an siam duh loh avang leh hun lo kal tawhah zirtirtu thawklai te tihtawp thut an lo nih tawh avangin dinhmun nghet zawka rawih theih dan tur Mizoram sorkar chuan a dap chhunzawm zel a ni a ti.