He thu hi Inrinni kalta-a YMA Kumpuan Committee leh Central YMA hnuaia ruihhlo dotu pawl SRS member ten Vairengte an tlawhnaa Kolasib District Excise leh Vairengte Police te Joint Meeting an neih puinaah sawiin, Central YMA Vice President chuan zu leh ruihhlo rawn tawlh lut tute lo dan kawngah Excise, Police leh YMA te chu a theihna apianga thawkhova \an la ho turin a sawm a, a \ul hun apiangah YMA chu Excise leh Police te pui turin an inpeih reng tih a sawi bawk. He Joint Meeting-ah hian Vairengte SDPO leh a hote bakah Kolasib District Excise Asst. Commissioner leh a hote an tel a ni. Central YMA aiawha Vairengtea kalte haw lam hian New Khamrang-ah artui phur vai motor dap turin Excise Anti Narcotic Squad te an ngen a, he motor a\ang hian Sap zu um puitling 36 leh a chanve bakah Heroin No. 4 hawng 2 an man a, heng zu leh ruihhlo neitua puh S. Uddin, kum 35, Karimganj District pawh man nghal a ni. Central YMA aiawhte hian Khamrangah Mizofed Serchhip gas tur phur motor an enfiah a, gas bur tih chingpen 10 an man chhuak bawk a ni.
