He thu hi vawiina Central YMA Office-a Sub. Headquarers leh Group YMA hruaitute nen an \hutkhawmnaah sawiin Pu Vanlalruata chuan, Tripura Transist Camp-a Tuikuk awmte Electoral Roll a\anga paih tura an thlen chuan ngaihpawimawh a hlawh lo niin a sawi a, nikum Assembly inthlan dawn a, Election Commission Commissioner Pu Omprakash Rawat-a Mizoram a rawn tlawh khan Tuikuk te roll a\anga paih a nih loh chhan an zawhna chu Model Code Of Conduct in a phuar vang nia sawiin, inthlan zawhah paih theih a ni dawn em tih an zawhna chu thuneituten hma an lak theih tur thuin a chhang tih a sawi.
Pu Vanlalruata chuan harsatna leh buaina awm lova inthlan neih a nih theih nan a hmain nasa takin a dawr tur ang ang te dawrin hma an la a, a theih chin chinah thuneitute lamah an kal khalh tih a sawi a, mahse hei hian awmzia a neih loh avangin tuna an thil tum chu kalpui a ngai ta niin a sawi. Mi\henkhatin inthlan dawn chauha hma laa an puhna chu chhangin Pu Vanlalruata chuan Central sorkarin Tripura Camp a tuikuk awmte Mizorama let duh lo te chu ngaihsak an nih tawh loh tur thu sawi chungin kumin January ni 15 thleng khan ration a pe a, tunah a pawt sei leh tawh tih a sawi a, Chief Minister leh Chief Secretary pawh an sawipui tawh thu sawiin Tuikuk avanga buaina chu tihtawp a hun tawh a ni a ti a, Central YMA hruaitute chu a tawp thleng tura an inbuatsaih thu sawiin Jail tan ngai pawh nise an inhuam tih a sawi.
Joint NGO in total bandh neih an tum chhan sawifiahtu an pawl General Secretrary Pu Lalhmachhuana chuan, kumin March ni 3 a Jt. NGO meeting in Tuikuk te chu Special Polling Station siam sak lovin E Roll-a an chuanna hmun zel vote thlak tir ni rawh se tih an lo rel tawh tih a sawi a, March thla vek ni 22-ah Aizawl DC leh Chief Secretary te nen pawh sawiho a nih thu leh Boycot chu kaltlangpui lo tura an ngen thu leh an thil phut chu awm an tih pui thu an lo hrilh tih a sawi a, an hmalak tum dan hi kar kalta zirtawpni khan CM pawh an hrilh tih sawiin ani pawhin kaltlangpui lo turin a lo ngen tih a sawi a, mahse Tuikuk te chu a bika duhsakna pek zel an nih avangin vawiin chawhma lama Jt. NGO \hukhawm chuan inthlan kaihhnawiha final training neih hun tura ruat ni 8 a\angin Mizoram pumah Total Bandh neih a rel ta a ni a ti.
Central YMA hotute leh Sub. Headquarers leh Group YMA hruaitute thukhawm hian Joint NGO in total Bandh neih an tum chu theihtawpa thlawp nise an ti a ni.
