Vawiina Leitan Branch YMA-in YMA Day vawi 84-na an lawm a hmanpuinaah Pu Vanlalruata chuan thusawiin, tun hnaia YMA leh SRS beihna chu a dik loh dik loh sawi tur an ni lo tih a sawi a. Hetihrual hian Social media kaltlanga SRS seltute chu SRS-in an lo man tawh leh mi dik ziktluak lo an ni ve bawk tih mipuiten an hriat a ngai a ni a ti a. Hun engemaw chen kaltaa |awng\ai Bethel Camping Centre sawi hn^m a nih \uma bei hmasatute pawh \um engemawzat SRS-in an lo man tawh, ruihhlo hmanga sumdawng \hin a ni tih sawiin, heng selna hrang hrang karah hian YMA chu a zam mai dawn lova, Mizoram leh hnam chhan turin YMA chuan ke a pen zel dawn a ni a ti. Tun SRS buaina chungchangah kum 2015-a thawhhona thuthlung an lo siampui tawh Police-ten SRS dem zawnga thu an chhuah avang khan Police nena an thawhhona chu ennawn ni se tih rel a nih thu a sawi a, ram leh hnam \hatna tur a nih chuan YMA chuan Police-te chu engtiklai pawhin a thawhpui thei reng a, hetihrual hian Police lam chu engemaw changa koh kal zawh loh \um an nei zawk niin a sawi. Pu Vanlalruata chuan, Mizo mipuite chu Media-in a run nasa tih sawiin, naupang zingah Mizo thawnthu aia Cartoon vela chhuak hre bel an tam ta zawk chu a pawi hle a ni a ti a. |halai zingah Mizo \awng hman dik mumal an tam tate chu thil pawi tak a nih avangin Mizo \awng humhalh kawngah pawh YMA member-te chuan mawhphurhna an nei tih an hriat a ngai a ni a ti. Central YMA President chuan Mizo khawtlang nunah ram leh hnam tana tuar ngam an tam lo chu manganthlak a tih thu a sawi a. Mipuite tana entawn tur mahni inpe ngam an mamawh hle tih sawiin, dikna leh rinawmna a awm loh chuan a tuartu chu Mizo mipuite an nih dawn avangin hemi kawnga hmala tur chu YMA a ni tih hriat a \ul a ni, a ti. |halaite chu ruihhloin nasa takin a run mek tih sawiin, Pu Vanlalruata chuan, Excise Department chhinchhiah danin tun thla ni 4 thleng khan Mizoramah ruihhlo vanga thi mipa 13 leh hmeichhia 6, an vaiin mi 19 an thi tawh tih a sawi a. Ruihhlo vanga thi bakah natna hrang hrang vangin kum tin mi 6,000 chuang an thi \hin a, kum khata naupiang chu 20,000 vel an ni thung a, Mizorama mihring punna chu zaa 1.5 vel chauh a nih avangin hemi kawngah pawh hian \anlak a \ul hle a, Hnam tlem nih chuan a ropui theih loh tih hriat a ngai a, naupiang tam tur chuan hrisel a ngai a, chhan hrang hranga Mizote suattu leh eichhetu chu na taka do a ngai a ni, a ti a. YMA chu hausak san chi a ni lova, lehkha thiam san emaw fin san emaw chi pawh a ni lo tih sawiin, Pu Vanlalruata chuan, YMA chu Mizo zawng zawng ta a ni tih hriat a ngai a ni,a ti.
Leitan Branch YMA President, Pu K. Lalzuiliana pawhin, YMA Day vawi 84-na lo thleng chuan \halaite nunah khawtlang tana inpek tharna thlen se a duh thu a sawi a. YMA chu chhiat leh \hata \anpui ngaite \anpui tura beisei an ni \hin a, hemi kawngah hian YMA member tinte chu midangte tan innghahna tlak an ni em tih inenfiah turin a chah a. Chhiat tawk an awm a piangin YMA member mipate chuan an tih tur hrilh nawn ngai lova hre tur leh hetiang bawk hian hmeichhiate pawhin an mawhphurhna hlenchhuak tura \anla turin a fuih bawk.
Leitan Branch YMA hian an veng mi Minister, Pu Lalchhandama Ralte, MLA Pu Zodintluanga leh Councillor, Pi R. Zomuanpuii hnenah chawimawina an hlan a, Section hrang hranga YMA member Active thlan chhuah leh an veng chhunga zirna leh kawng hrang hranga mihlawhtligte hnenah chawimawina an hlan bawk.
