Nizana YMA kumpuan ‘Ram leh Hnam Humhalh’ hawnna inkhawm, Vananpa Hall-a neihah thu sawiin Pu Vanlalruata chuan, mi \henkhat sum duh avanga hnam dang thurualpui \hin an awm a, hnam dang te an ngampat phah a ni a ti a, YMA hruaitu leh member te zingah hetiang tih ching an awm chuan bansan nghal tur leh an thei lo a nih chuan YMA member an nihna a\anga inhnukdawk nghal tura a duh thu a sawi.
Pu Vanlalruata chuan, inluah tur nei te zingah hnamdang duhsak zawk an awm thin chu \ha lo a tih thu a sawi a, Mizo zirlaiten khawpuiah inluah tur an hmu zo lo \hin leh hetihlaia hnam dangte an hnawng ve si lo chu \ha lo a tih thu a sawi a, sum duh vanga mahni hnampui aia hnam dangte duhsakna chuan hnam ralna a thlen thei a ni a ti.
Chakma te an pun chak lutuk avang leh Mizo te an do reng avangin YMA inkhawmpuiin a lo pass tawh angin, CADC thih a nih theih nan theihtawpa hmalak zel a nih thu a sawi a, Tripura Transist Camp a Tuikuk awm te chungchangah Pu Vanlalruata chuan, Supreme Court ah Mizo te dik lo taka an hek avangin a chhan let nan sum tam tak sen a ngaih phah tih a sawi a, \ha tak Mizorama let tura sawm an nih laiin kum 20 liam hnuah pawh chhuanlam hrang hrang an siam a, Vote thlak an tum ziah si chu tihtawp thuai a \ul a ni a ti.
Central YMA President chuan kuminah ruihhlo vangin mipa 4 leh hmeichhia 1 an thi leh tawh tih a sawi a, kum tling lo ruihhlo ching thar an pung niin a sawi a, ruihho avang man te chhuah zalen thuai an ni \hin chu pawi a tih thu a sawi a, ram leh hnam tana \an tlan a hun tawh a, sum lakluhna thianghlim lo tih hriat chian te chu eng thilah mah pur lo turin YMA member te a chahin chutiang mite chu en dan tawk thiam turin a chah bawk.
Kumpuan hawnna inkhawm hi an Vice President Pu R Lalngheta’n a kaihruai a, YMA kalphunng tih thupui hmangin Treasurer Pu Lalrochuanga Pachuau in thu a sawi a, Asst. General Secretary report ngaihthlak a ni bawk.
