He thu hi Mizoram Consumer Union Annual General Meeting vawiina Horticulture Deptt. Conference Hall-a neihah sawiin CYMA President chuan buhfai leh gas b<k tlinga mipuite hnena pek chhuah a nih theihna atana hmala turin Central YMA chuan thu tlukna a lo siam tawh tih a sawi a, Mizoram Consumer Union nen thil tum thuhmun an neih avangin an hmalaknaah chak zawkin an thawh dun theih a beisei thu a sawi bawk. CYMA President chuan Mizoram, Kristian za za awmna tia chhal \hinah buhfai , gas leh petrol b<k tling lo a awm \hin laiin, \henawm lawka ringlo mite awmna Silchar-ah hetiang thil hi a awm ve lo te, Mizoramah thil dik lo sawisel lova enliam mai mai mi \ha ngawi reng tam tak an awm thu te sawiin Mizoram mamawh chu mi dik leh huaisen, thil dik lo hua, a tak taka misualte hmachhawn ngam a ni a ti a, buhfai, gas, petrol leh thil dang leiin a man zat a leitu-in a pe a, amaherawhchu, a thil lei a nih tur ang a tling pha si lo chu thil dik lo lian tak, b<kna dik lo, Lalpa tana thil tenawm a ni tih sawiin mipuite chu misual leh thil ti dik lotute hmachhawn ngam tura pen chhuak turin a ngen a, hemi kawnga hmalakna hi a hlawhtlin theih nan tawrh pawh huama huaisen taka thil tih a ngai dawn niin a sawi a ni. Central YMA President chuan mipuiten an chanpual eirawngbawlna gas dik tak an chan theih nan leh dan ang thlapa thil tih a nih theih nan ‘online booking’ tih chu thil pawimawh niin a sawi a, hei hi CYMA chuan a hlawhtlin theih nan bawhzui a tum niin a sawi bawk. Mizoram Consumer Union Annual General Meeting-ah hian thil pawimawh ngaihtuah tur panga chhawpchhuah a ni a, chung zingah chuan eirawngbawlna gas subsidy consumer te account-a lut mumal lo mumal taka a luh theihna tura hmalak dan tur chungchang te, maxicab chuan man sorkar rate siam aia tama latute sorkar rate anga an tlan theihna tur chungchang te, sorkar laipuiin Mizoram Consumer Welfare Fund atana cheng vbc 10 a ruahman hman \angkai theiha sorkarin a pek chhuah theih dan tur chungchang te leh Lengpui |umhmun tlawha service \hin, Jet Airways thlawhna nakkum February thlaa tihtawp tum a nih vanga Mizo mipuiten harsatna an tawh loh dan tur chungchang te a tel a ni. He Annual General meeting-ah hian kum 3 chhung atana MCU hruaitu thar tur te thlan nghal an ni a, chungte chu President-ah Prof. Chawngsailova, Vice President-ah Pu Thanglura leh Pu S. Liandula, General Secy.-ah Pu C. Laldawngliana leh Treasurer-ah Pu A. Lalhmangaihzuala te an ni.
