PWD hotulu, Engineer in Chief Pu. K. Lalsawmvela chuan Dept hmalakna a sawilan zingah Phairuakkai lei (Bridge) thar dawhna tur sorkar laipuiin pawisa pe rih lo mahse mipui ten harsatna an tawh loh nan a siam \hat nan state sorkarin cheng nuai 400 a ruahman tih a sawi a, Phairuarkai lei (Bridge) chu a dawh na a rei tawh avangin a chak tawk tawh lo a, a thar dawhna tur sorkar laipuiah sum dil a ni a, Chief Minister pawhin DO letter \um 2 ziakin a bawhzui a, heti chung hian sorkar laipuiin an pawmpui rih dawn lo nia an sawi avangin a tihchak nan leh siam \hat nan State sorkarin cheng nuai 400 a ruahman a ni a ti.
Pu K Lalsawmvela chuan Tuivai lei siam \hatna tur a tender koh chu chhangtu an awm \hin loh avangin tihdanglam dan ngaihtuah mek a ni thu a sawi bawk a. Champhai tlang dung kawng Seling leh Keifang inkar siam zawh tawh a nih thu leh a chhelai thual \hat leh mek a nih thu te, Keifang, Kawlkulh, Khawzawl leh Champhai inkar pawh siam \an mek a nih thu te leh Mizoram chhunga kawngpui siam mek leh siam hmabak mek te a sawilang a, sorkar laipui lam enkawl, Mizoram chhunga kawngpui te pawh mipui tawrhna a thlen dawn ai chuan state suma siam zel chu Chief Minister duhdan a ni a ti.
Central YMA President Pu Vanlalruata’n thu a sawi bakah General Secretary Prof. Lalnuntluanga’n PWD nen an thawhho chungchang a sawifiah a, sawihonaah hian Sub. Hqrs., Group leh Branch atanga sawho tur chhawpchhuah te huamzau taka sawiho a ni.
