Vigillance Sub-Committee Secretary, Pu HF Lalrinpuia chuan, an hmalakna chu a bul \anna a nih avangin dan lova sumdawng an awm leh awm loh enfiah hmasak phawt a ni, a ti a. Iron rod leh Cement zuar te bakah hian sumdawnna chi hrang hrang khawih leh lirthei hmanga bungraw sem kual \hinte pawh enfiah zel a nih tur thu a sawi a, tunah hian Aizawl khawpui chhunga hmun \ha leh rem lai zawng zawng deuhthaw hnam dang thuhnuaiah a awm tawh a, hei mai hi ni lovin khawpui chhehvel thlenga an luah khah deuh vek tawh avangin Mizo hnam tan a him lo thei a, chhuan lo la awm zel tur thlenga pawi thei a nih avangin dan lova sumdawng awmte chu thenfai vek an tum tih a sawi.
Pu Rintea chuan, tun \uma an endiknaah hian hnam dang sumdawng rinhlehawmte chu chhinchhiah zel an nih thu leh heng mite tan hian mipui hmaa insawifiahna hun siamsak an nih tur thu a sawi a, chuta insawifiah zo lote chu dan anga an sumdawnna titawp tura hmalak a nih tur thu leh an hmalakna chu a tawp thlenga bawhzui an tum thu a sawi a. An hmalakna chu ram leh hnam tan thil \ha leh pawimawh tak anih avangin Mizo mipuite chu \ha taka thlawp tur leh an theih ang anga pui bawma turin Central YMA chuan a ngen a ni.
