|hutkhawmna kaihruaitu Central YMA President, Pu Vanlalruata chuan, ram leh hnam tana \ha tur thil pawimawhah chuan YMA chu a intel ruhin, an \angrual \ha hle tur a ni, a ti a. Tun hnaia thil thleng an hmachhawn dan hrang hrangah inlungrual taka hma an la ho thei \hin chu thi lawmawm tak a ni a, hun lo kal zel turah pawh tun aia \ha zawka an thawh ho zel theih a beisei tih a sawi. Pu Vanlalruata chuan, tun hnaiah Mizoram leh Hnam tan thil pawimawh hmachhawn a awm zeuh zeuh tih sawiin, heng thil chi hrang hrang an hmachhawnna-a YMA member-te inpekna leh an hruaitute thawhrimna chu chhuan tlak a ni, a ti a. Hetiang taka thawh hona \ha an neih theih \hin avangin an thil do leh tum chu an tihhlawhtlin theih phah \hin nia sawiin, YMA member-te chu an theihna zawn \heuhah ram leh hnam tan theihtawp chhuah chhunzawm zel turin a sawm bawk.
Central YMA General Secretary Report a\anga a lan danin, nikum October ni 19-a YMA rorel inkhawm vawi 2-na rorel bawhzuiin YMA chuan Mizorama kohhran hrang hrangte nen ram leh hnam humhalh kawnga thawh hona leh impumkhatna \ha zawk a awm theih nan Mizoram Kohhran Hruaitute Committee chu hmalakpui dan tur sawi ho turin an remchan hun nghah mek a ni a, thingtlang lama zirna a lo \hat zawk theih nan CYMA-in hmala rawh se tih chu Education Sub-Committee-in a bawhzui mek a, hemi atan hian Education Department nen thawh hona thuthlung siam rawtna chu Education Minister hnenah thlen a ni tawh a. Mizo \awng humhalh tura hmalak rawtna chungchangah pawh Language Board din tura Mizoram Sorkar-ah thlen tura hmalak mek niin, zu leh ruihhlo do kawnga chak zawka hmala turin Branch tin hnenah lehkha thawn tura ruahmanna siam a ni a. Mipuiten Ration buhfai leh Gas buktling an hmuh theih nan hmalak rawtna pawh Supply Minister sawipui a ni tawh a. Branch tinte chu an huam chhung \heuha sorkar hmalakna dik taka kalpui a nih theih nan lo enfiah a, a \ul anga hma lo la tura beisei an ni tih tarlan a ni.
Central Co-ordination Committee \hukhawmnaah hian Central YMA Office Bearer leh CEC member-te bakah Sub-Headquarters aiawh mi 6, Group YMA aiawh mi 2 leh Aizawl khawpui chhung Branch a\angin aiawh pakhat \heuh an tel a. CCC \hutkhawmna hi tun thla ni 10-a neih tur ni mah se, MP thlan nen a insut buai avangin sawn a ni.
