Central YMA hnuaia thuneitu sang Central Co-Ordination Committee chu vawiin khan Tuikhuahtlanga Central YMA Hall-ah Central YMA President, Pu Vanlalruata hovin an \hukhawm a, hetah hian kumin October ni 19-a Vanapa Hall-a YMA Rorel inkhawm vawi hnihna neiha thurel hrang hrang bawhzui dan tur an sawiho a ni.

YMA Rorel inkhawma thurel thlirletin \ha an ti a, kum 2018-19 chhunga YMA kumpuan atana rawtna lut 3 zingah ram leh hnam humhalh tih an thlang a ni. He YMA rorel inkhawma thu pass te chu Central Executive Committee bawhzui atan Central Co-Ordination Committee chuan a dah a, YMA Rorel inkhawm thu pass te chu ram leh hnam humhalh kawnga Kohhran hrang hrangte nen thawhona \ha zawk a awm theih nana hmalak te, thingtlang lama zirna \ha zawk a awm theih nana hmalakte, Mizo hnam incheina Patent tura hmalakte, Mizo \awng humhalh kawnga hmalakte, zu leh ruihhlo do kawngah tun aia nasa zawka \an lak te, sorkar a\anga Development fund zaa 70 tala hna thawh a nih theih nana hmalak te, mipuiten ration buhfai leh eirawngbawlna gas buk tling an lak theih nana hmalakte, sorkar khawihah Mizo hmeichhia, hnamdang pasal neite Schedule Tribe Status hlihsakna tur dan Mizoram Assembly-a pass a nih theih nana hmalak te, National Register of Citizens Mizorama kalpui a nih theih nan hmalak leh Champhai a\anga Tahan Myanmar inkara Bus Service tir a nih theih nana hmalak te a ni. He Central Co-Ordination Committee-ah hian Central YMA OB, CEC member, YMA Sub Headquarter aiawh mi 6, Group aiawh 2 leh Aizawl khawpui chhung Branch aiawh mi 1 \heuhte an tel a, General Secretary, Pu Lalhmachhuana’n tun hnaia hnam chhan hnatlang leh Central YMA hmalak dan a tarlang a ni.