Ruihhlo hal hmaa inkhawm tawi neihah Synod Moderator nibawk, Rev. R. Lalhmingthanga chuan, tun hma deuh kha chuan YMA chu thlan laih leh \anpui ngaite \anpui \hintu tia hriat an ni a, tunah erawh tun hmaa la hriat ngai loh sualna chi hrang hrang dova an hmanhlelh a ngai ta chuan ngaihtuah a ti thui hle a ni, a ti a. Hetih rual hian khawtlang nun siam\hat kawnga YMA hmalakna chu thil ropui tak a ni a, ram leh khawtlang tana an thawhrimnaah MKHC Chairman leh Synod Moderator a nih angin lawmthu a sawi a ni. Rev. R. Lalhmingthanga chuan, ruihhlo do hi YMA-in thawk lo se chu tuna Mizoram dinhmun tur chu ngaihtuah ngam loh khawpa chhia a ni thei tih sawiin, nasa zawka \anla zel turin a chah bawk.
Central YMA President, Pu Vanlalruata pawhin, ruihhlo do leh sualna chi hrang hrang vengtu tur ni lo YMA-in vawiin thlenga he hna thawh ala ngai chu pawi a tih thu a sawi a. Ruihhlo an do avang hian YMA chuan sawiselna tam tak a lo tawh phah tawh \hin a, hetiang hi ni mah se, tha an thlah a nih vaih chuan Mizoram dinhmun tur chu a chhiat nasat dawn bawk si avangin tlawmngaih an la chhuah hram hram a ni, a ti. Pu Vanlalruata chuan, tun hnaiah ruihhlo ti leh ruihhlo vanga thihna a hluar leh tawh a. Hetihrual hian nau piang an tlem telh telh bawk si avangin ngaihtuahna hman fimkhur a ngai hle a ni, a ti a. Ram leh hnam siam\hat kawngah Sorkar, Kohhran leh YMA chu rualkhai taka an thawh ho a ngai a, hetiang ni lova a dotu chu ban pakhat chauh a nih reng chuan a tliah hun a awm palh a hlauh thawn thu a sawi.
He inkhawm hi Central YMA Vice President, Kumpuan Committee Chairman nibawk, Pu R. Lalngheta’n a kaihruai a. SRS Batch 8-na Convener, Central YMA Asst. Secretary, Pu Peter Chhakchhuak Report a\anga a lan danin, tun \uma ruihhlo an halralte hi Heroin hawng 188, can 1,436, chhinsen leh Bhaga Cap 963, Alprozelum mum 13,997, Ganja kg. 2 leh Pocket 422, khuh damdawi bottle 130, Methamphetamine mum 1,02,424, Morphine Ample 985, sapzu um 82, rakzu fun 246, Cyclopum mum 370 leh pawisa lem Rs. 6,47,500 a ni a. Heng ruihhlo hi tualchhunga a hralh chhawnna ang chuan cheng nuai 473 chuang hu a ni a. Heng ruihhlo an man khaihhnawihah hian mi 959 an man. Chung zinga 82 chu Home-a dah niin, mi 18 chu Excise leh mi 16 chu Poliuce kuta hlan an ni a, mi 458 chu Counselling pek an ni. SRS Batch 8-na hian nikum December ni 20 a\anga kumin March ni 31 thleng kha a awh a, tunah hian Batch 9-na a kal leh mek a ni.
