Hemi hmaa inkhawmtawi buatsaihah Pu PC Lalthanliana chuan ruihhlo do chu sorkarin a ngaipawimawh hle nia sawiin Chief Minister kaihhruaina hnuaia ruihhlo dotu pawl din, Core Committee hmalakna atan sorkar chuan cheng vaibelchhe 2 a dah niin a sawi a, amah ngei pawhin Social Welfare Minister a nih angin ruihhlo leh a kaihnawih dona tur, The Mizoram Drugs Controlled Substances Rules chu House-ah a pulut a, hei hi a taka hman mek a nih thu a sawi a ni. Social Welfare Minister chuan YMA chu Zofate himna kulhpui a ni tih sawiin, khawvel \hang mek zelah thil engkim dan hmanga tih ni \hin mah se, YMA-in ruihhlo a dona kawngah erawh chuan dan lo hmanga thil tih a ngaih chang a awm lo thei lo niin a sawi a, SRS-in damdawi a man khawmte halral a nih rual hian heng damdawite hi a rem mai dawn lova, a dona kawngah tha thlah lova \an lak chhunzawm zel a ngai dawn niin a sawi a ni. Damdawi hi pawl ang mai ni lova, mimal tinin an do a \ul takzet tih Pu PC Lalthanliana chuan a sawi bawk.
Central YMA President, Pu Vanlalruata pawhin, YMA-in ruihhlo a do ve ringawt chu dan mit a\anga thlir chuan an tling lo hle tih an hria niin a sawi a, hetiang hi ni mah se, ruihhlo do chu ramin a mamawhna a nasat avangin ti lo thei lo dinhmunah an ding thung tih sawiin, tute pawhin engtiang pawhin sawi mah se, chhanchhuah ngaite chhanchhuak turin YMA chuan hma a la chhunzawm zel dawn tih a sawi a, Pu Vanlalruata chuan sorkar rawih Police leh sipai sing tel an awm chunga ruihhlo do kawnga tha thlah lova \an a ngai reng chu manganthlak a tih thu sawiin, Mizoram hian eng ang takin nge natna a vei tih leh chumi a\anga chhanchhuak tur chuan engtin nge hmalak a nih ang tih chu tih takzeta ngaihtuahpuitu an mamawh hle niin a sawi a ni. Ruihhlo do hi YMA chakna ringawt chuan do hneh chi a nih loh avangin sorkar leh Kohhran nen \ang tlanga hma an lak a \ul tawh takzet niin a sawi bawk. He inkhawm hi Central YMA Vice President, Pu R. Lalngheta’n a kaihruai a, General Secretary, Pu Lalhmachhuana leh SRS Batch 6-na Convener, Central YMA Asst. Secretary, Pu Peter Chhakchhuak ten thu an sawi bawk. Tukina SRS-in ruihhlo a man khawm halral takte hi Heroin hawng 183, can 958 leh chhinsen 89, Addnok Strip 12, Ganja Kg. 12 leh Pocket 178, Alprozelum mum 5,920, khuh damdawi bur 2,252 leh strip 10 leh Trama box 8 a ni a, heng damdawite hi tualchhunga a hralh chhawnna rate anga chhut chuan Rs. 5,07,52,310/- man hu a tling a ni. Hemi kaihhnawihah hian mihring 772 man an ni a, chung zinga 40 chu Home-ah dah niin, Excise-ah mi 25 leh Police kutah mi 3 an hlan a, mi 275 chu Counselling an pe a ni. SRS Batch 6-na hian heng ruihhlote bakah hian dan lova tawlhruk rangkachak Kg. 13, cheng vaibelchhe 4 leh nuai 16 man an man bawk a, heng rangkachak leh a neitu nia hriatte chu Police leh Revenue Intelligence hotute kutah hlan an ni.
