Heng zingah hian a tam deuha an manna chu Aizawl khawpui luhna kawngpuiah te a ni a, a bak chu Sihphir, Falkland, Vaivakawn, Chanmari West, Chawnpui leh City Park velah a ni. ZONET zawhna chhangin SRS hruaitute chuan ruihhlo zuartu leh an ruihhlo zawrh man chhuak tura an beihnaah hian tun thla ni 11-a Chawnpuia |awng\ai Bethel Camping Center a\anga tlan chhuak, hemi hnua he Camp bomb darha vautu, Lalrammuana Champhai lam nia insawi, address dik tak hriat chian theih loh leh a tlan chhuahpui Rinsanga te chu an man tel niin an sawi a, heng mite hi Police te kuta hlan an nih hnuah Central Jail-ah dahluh an ni tawh niin an sawi a ni. SRS hotute chuan Lalrammuana hi thubuai tam tak nei tawh, Jail a\anga a chhuah apianga pawikhawih \hin niin an sawi a, an hriat theih chinah Aizawl Police Station-ah pawikhawih thubuai 10 leh Bawngkawn Police Station-ah thubuai 1 a nei a ni.
