Central YMA chuan YMA Day pualin Mizo mipuite chibai a buk a, he ni hi Sub. Hqrs, Group leh Branch YMA zawng zawng mahni huam chhungah hmang vek turin a ngen a. Kumin YMA Day thupui atan ‘Ram leh Hnam humhalh’ hman ni se, YMA Day hman rualin hmun remchang laiah YMA Flag ngul sang taka zar chhuah ni se a ti a. YMA hi \anpui ngaite \anpui tura pawl din a nih angin, veng leh khaw chhunga mi harsa leh chhumchhiate dapchhuak a, a theih ang anga \anpui ni se, chenna in thawm\hat ngai leh khawsak harsa zualte dapchhuakin, remchan anga chhawmdawl ni se an ti a, damlo \anpui ngaite thisen pe turin YMA Branch tinte leh mimal tin an ngen a, faina leh thianghlimna chu YMA-in kalphung ngheta a neih tawh angin, he ni pual hian vengchhung thenfai hnatlang a remchan dana neih ni se, Sub. Hqrs., Group leh Branch YMA te chu an remchan dan a zira Hospital, Home leh Centre-ah te YMA Day puala \anpuina thilpek hlan ni se an ti bawk. Heng bakah hian YMA In, Library, Lungphun, Signboard leh thil dangte tuaithar ni se, \hangtharte thinlungah tlawmngaihna inzirtir thar leh na niah hman tum ni se, he ni hmanaah hian a theih anga tam Mizo thuam inbel uar tura \anlak nan hman ni se, an ti a, Sub. Hqrs, Group leh Branch YMA-te chu YMA Day an hman dan Central YMA Office-a report \heuh turin an ngen bawk.
