Hmarchhak State pasarihte sum hmuh dan hi hetiang hi a ni a:
Assam- cheng nuai 38,600
Arunachal Pradesh- nuai 12,500,
Tripura- nuai 3,400,
Meghalaya- nuai 3,300
Mizoram- nuai 2,350
Manipur- nuai 2,100
Nagaland- nuai 2,050
State hrang hrang 27 te hnena SDRMF sum pek chhuah hi hi a vaiin cheng vbc sing 1 sang 1 sawmruk pasarih a ni a, a dawng tam ber Maharastra chuan cheng vbc 1611 a hmu a, Madhya Pradesh in dawtin cheng vbc 910 a hmu a, Odisha in cheng vbc 802 a hmu bawk.
SDRMF sum hi Covid-19 hrileng doletna atana hman theih a ni a, hri a \ai darh zel lohna tura inkhung hranna hmun quarantine facility din nan te, enfiah tura sample lakkhawmna atan te, khualzin enfiahna screening neihna senso atan te, laboratory din belhna atan te, damdawi lam thiam te bakah police leh thuneitute tana hrileng laka invenna tur thawmhnaw Personal protection equipments leina atan te, thermal scanner leina atan te, sorkar damdawiin-a thil mamawh teunau leina atan te hman theih a ni. Chenna nei lo leh inhlawhfa tangkhang laklawhte tana tawm lailawkna tur siam nan leh an eitur leina atan te pawh SDRF sum hi hman phal a lo ni tawh bawk a ni.
