Attorney General KK Venugopal chuan Chief Justice Dipak Misra kaihhruai judge panga awmna constitution bench ah sorkar laipui ngaihdan hi a thlen a, SC leh ST te zinga mi hausa leh thil ti thei chin, creamy layer te tan ham\hatna leh duhsakna bik pek \hin chu tih tawp a rem lo a ni a ti. A mamawhtu leh chawikan ngai dik tak, SC leh ST mi leh sa te chanvo tam tak chu heng SC leh ST mi leh sa nisi, hausa leh thil ti thei zawk ten an chan khalh nasa hle nia a lan avangin, sawifiah turin Supreme Court hian Sorkar hi a hriattir a, Sorkar ukil hian hetianga hnam hnuaihnung zawkte duhsak theihna dan chu President leh Parliament thuneihna a nih avangin dan rorelna Judiciary -a khel a rem lo tih Court chu a hrilh a ni.
