CRPF hian pawikhawihtute chu an ngaihdam loh tur thu sawiin, an \hiante nunna chan ta te tan an ding dawn tih an sawi a, CRPF te beitu mifirfiak hi kum 22 mi Adil Ahmad Dar a ni a, tuna CRPF convoy a beihna a\anga km 10 vel leka hla, Awantipora-a cheng a ni. School a ban hnuah nikum khan Jaish-e-Mohammad mifirfiak pawl hi a zawm a ni.
Home Ministry chuan pawikhawihna enfiah turin member 12 awmna, NIA team te a Pulwama ah hian a tir nghal a. Home Minister Rajnath Singh chuan Srinagar a tlawh a, thuneitute nen hmalak zel dan tur an sawi ho ang.
Khawvel ram hrang hrang US, Russia, France, Germany, Australia, Turkey, Canada, Czech Republic ten mifirfiakte pawikhawihna an dem thu an sawi a, ram thenawm Nepal, Bangladesh, Bhutan, Sri Lanka leh Maldives te pawhin pawikhawihna an dem thu an sawi bawk. UN Secretary-General Antonio Guterres chuan pawikhawihna hi na taka demin thiltisualtute man chhuak a, hrem ngei a duh thu a sawi.
