Thubuai thehluttu Ravinder Nath dubey hi kum 26 chhung accountancy zirtirtu lo ni tawh a ni a, accountancy exam hi march ni 3 a neih tur a ni a, CBSE-a sample paper tarlan anga zirlaiten an chhang a nih chuan mark 7-8 lai paper endiktuten zirlaite an paihsak dawn a ni a ti a, Chief Justice DN Patel leh Justice C Hari Shankar te chuan a thubuai thehluh hi thil ho mai mai leh behchhan awm lo a ni an ti a, pawisa chawi tur hian an hrem let a ni.
Court hian exam question paper pawh ni lo, sample paper satliah mai, zirlaite an practice na tura duan mai a ni a ti a, thubuai thehuttu hian finfiahna a nei tih a sawi chu chhanletin court hian ngaihthlak chhunzawm a duh loh thu leh a pawisa chawi tur chu tih pun theih a la nih thu a hrilh let a ni.
