Congress hotu DK Shivakumar-a chhiah awlrua puhna chungchang an chhuinaah Karnataka Chief Minister hlui B S Yeddyurappa-a’n cheng vbc 1,800 chu BJP hotu \henkhat a pe nia tarlanna lehkha pakhat hmuh a ni a, finfiahna chiang zawk a awm loh avangin CBDT chuan he puhna hi a hnawl a ni.
Income Tax Act hnuaia section 132 hnuaiah August ni 2, 2017 khan Karnataka leh Goa Income Tax Investigation Directorate te’n D K Shivakumar chenna in an dap a, hetah hian Shivakumar hian heng lehkha, kum 2009-a Karnataka Legislative Assembly diary ami Yeddyurappa ziah nia sawi chu a pe a, he lehkhaah hian MLA te thamna pek chungchang leh khatih hunlai-a MLA leh minister te thamna dawn te ziahlan a ni a, he lehkha hi a hmuhdan zawh a nih chuan Shivakumar chuan politician a nihna angin party dangte chanchin hmuhchhuah dan a nei tih a sawi a, a dawnna erawh chu a sawichhuak duh lo a ni.
Income Tax Commissioner Surabhi Ahluwalia chuan he lehkha phek original hi hmuh tumin Income Tax Office-in theihtawp an chhuah tih a sawi a, amaherawhchu he lehkha original hi a tak a awm a nih pawhin a awmna leh a kawltu chiang taka hriat theih a ni lo tih a sawi.
