CBI Special Director atana Gujarat cadre IPS officer ruat a nih khinna chungchangah SC-in thuchhuah puang dawn

CBI Special Director atana Gujarat cadre IPS officer, Rakesh Asthana ruat a nihna khinna chungchangah tun thla ni 28 khian Supreme Court-in a thuchhuak a puang dawn a, Justice R K Agrawal leh A M Sapre awmna bench chuan hemi chungchang thlentu, NGO Common Cause leh sorkar ukil, Attorney General, K K Vengugopal-a thusawite a ngaihthlak hnuah thu tawp a siam sawn a ni. Common Cause pawl ukil, Prashant Bhushan-a chuan, Asthana-a hming hi Income Tax Dept. miten hmun pakhat an dapnaa lehkha pawimawh an hmuhah a lan avangin, CBI Special Director atana ruat hi a dik thei lo niin a sawi a, he diary an chharah hian Asthana hi company pakhat a\anga pawisa dawng nia a lan avangin, CBI pawhin he company leh sorkar hnathawk \henkhat chu thubuai a siamsak tawh niin a sawi. Attorney General erawh chuan, CBI hian Asthana hi thil sual ti-ah an puh lo a, FIR-ah pawh a hming a lang lo a, Asthana hi officer chhuanawm tak a ni zawk niin a sawi. Asthana hi CBI Additional Director a lo ni tawh a, thubuai khirh leh lian tak tak, AgustaWestland, Kingfisher, Moin Qureshi leh Hassan Ali thubuaite a lo buaipui tawh niin court sang ber chu a hrilh bawk. Common Cause pawl chuan, CBI Special Director atana Gujarat cadre IPS officer, Rakesh Asthana ruat a nih loh nan hian CBI Director pawhin lehkha a ziak a, mahse sorkar laipui leh a thlangtu committee in an palzut niin niin a sawi bawk a ni.