Deputy Superintendent of Police NP Mishra hian CBI-a Joint Director Adminstration AK Bhatnagar hi Jharkhana inbeihna lema inhnamhnawihah puhin, sawn turin PM Office chu a ngen a ni.
NP Mishra chuan tun thla ni 25 khan PM Office-ah lehkha thehlutin, a lehkhaah chuan Jharkhand-a mi pawisawilo te beih nia sawi chungchang CBI SC-I Branch-in a chhui mek thu a ziak a, hetah hian AK Bhatnagar a inhnamhnawih tih a ziak tel bawk. He lehkha hi CBI hotulu leh Chief Vigilance Commisioner hnenah a thehlut bawk a ni.
NP Mishra chuan inbeihnaa a tuartu chhungten complain an siam tawh tih a sawi bawk a, Bhatnagar chu eirukna chi hrang hranga inhnamhnawihah a puh bawk a, hei hi a vawi khat puhna mai a ni tawh lova, nikum, 2018 pawh khan eiruk leh Chhattisgarh-a chanchinbu mi, Umesh Rajput-a thah thubuaia finfiahna te chu mahni thua ti danglam kualah CBI officer dangte a lo puh tawh bawk a ni.
NP Mishra hian a hnathawhna hmun sorkarin a sawn chu Delhi High Court-ah a duh lo tih a thlen a, Court hian October ni 1-ah a ngaihtuahsak dawn a ni.
