CBI-in Kuldeep Singh Sengar thubuai siam sak

Uttar Pradesh BJP MLA, Kuldeep Singh Sengar chu pawngsual thubuai-ah CBI-te’n an man a, thu an zawtfiah nghal. Kuldeep Singh-a chhuitu CBI team-te chuan nimin khan Unnao an thleng a, pawngsual t^wk-tu leh a chhungte nen an inhmu nghal a, Kuldeep Singh hi Lucknow-ah hr>n mek a ni a, a lakah thubuai pathum ziah luh a ni tawh a ni. Puan tawh angin Kuldeep Singh-a thiltih hi nasa taka thup tum a ni a, police-te’n pawngsual thubuai an ziah luh duh mai loh bakah, MLA hming lang ve te pawh thup tum a ni a, pawngsual tawktu pa pawh sawisak hlum a ni hial a, hemi chungchang bik hi thubuai hran ziah luh a ni tawh a, pawikhawihtu ber, Kuldeep Singh-a nau, Atul Singh Sengar pawh man a ni tawh a ni. Allahabad High Court chuan he thil thleng vang hian Uttar Pradesh sorkar na takin a khak a, Kuldeep Singh-a laka FIR awm reng chung sia man a ni lawk lo te chu mipui zah lohna rawng kai a nih thu sawiin, hetiang thil a thleng chhunzawm a nih chuan UP-ah dan leh hrai a tluchhia anga an puan mai tur thu an sawi a ni.