CBI-in US company, Louis Berger International, Assam sorkar leh Guwahati Metropolitan Development Authority te indawrna chhui dawn

Gauhati High Court-in tun thla tira thupek a siam a chu bawhzuiin, CBI-in US company, Louis Berger International, Assam sorkar leh Guwahati Metropolitan Development Authority thuneitute indawrnaa eirukna leh thamna inp>k nia sawi chu a chhui dawn a, court chuan thubuai chhui hmasatu, state police-te chu thawk chak tawk lo-ah leh inhnamhnawiha rinhlelhte hum tumah a puh a ni. Kum 2015 khan Louis Berger company lakah hian thubuai thehluh a ni a, Goa leh Assam-a tui sem chhuahna project pathum a enkawl theih dan chungchangah thil dik lo a awm nia sawi a ni. He project buaipui a nih lai khan, Assam Education, Health leh Finance Minister, khatih laia Congress member, Himanta Biswas Sarma-a chu he project-ah hian a inhnamhnawih thuk hle nia sawi a ni a, he thil avang hian Pu Sarma-a hian dem a kai hle a, CBI-in hemi chungchanga FIR a thehluhah erawh chuan inhnamhnawiha rinhlelhte hming ziah lan a ni lo a ni.