Verma hian CVC hi zing lamah khan a pan, darkar khat vel a thang a, amah kawm tum chanchinthar lakhawmtute zawhna a chhang duh rih lo a, thuneitute chuan Verma chhui tura CVC-in a ruat, Supreme Court Judge hlui, AK Patnaik pawh Panel zingah hian a \hu ve tih an sawi a ni. Verma thubuai chhui chiang tura hun tiam chhung hi pathianni-ah hian a tawp tawh dawn a, thawh\anni lamah hian Supreme Court-in a ngaihtuah ang. Puan tawh angin CBI hotu lu ber Alok Verma leh a hnuai chiah ami, Rakesh Asthana te chu thamna laah an inpuh tawn a, an inbeih zui nasat avangin sorkar laipui chuan chawlh a lak luih tir ve ve a, chhui chian mek an ni a, Asthana pawh hi ningani lamah khan CVC Panel hmaah hian a lo inlan tawh a ni.
