Asthana thubuai hi November ni 28 hian ngaihtuah chhunzawm tur a ni a, thubuai ngaihtuahna-ah hian CBI Joint Director AK Sharma advisor, MA Niyazi chuan Asthana thiltih dik lo finfiahna a nei niin Court a hrilh a, Court chuan CBI lama thehlut turin a ti a ni. Court hian Asthana leh DSP Devender Kumar-te pahnihin an laka FIR thehluh hnukkir tura dilna a ngaihtuah a, Asthana leh Kumar-te hian FIR hi anmahni tihchhiat tum vangin dik lo taka ziah luh niin an sawi a ni. FIR hi CBI thehluh a ni a, Kumar hian thubuai danga thuzawhfiah, Sana Sathish Babu-a thusawi a thlak danglam nia sawi a ni a, a thusawi hun hi September ni 26 anga chhinchhiah a ni a mahse hetih hunlai hian khawpui danga awm a ni tih hailan a ni tawh a ni.
