Alok Verma thubuai hi vawiin khan ngaihtuah a ni a, \an hnu lawkah Chief Justice of India Ranjan Gogoi chuan Verma ukil Nariman chu koin The Wire website-a Verma chhânna a putru chungchang inziahna a pe a, a insawifiah dan tur a ngaihtuah chhungin thubuai dang an lo khawih tur thu a hrilh nghal bawk a, Nariman chuan thu putru chu an hriat bik loh thu leh anni pawh an lawm lo hle niin a sawi a, a ti putrutu man chhuah a duh thu te a sawi bawk a ni. Gogoi chuan Court chu mipui hmuha intihlar tumna tur hmun a nih loh thu leh rorelna hmun tur a nih thu a sawi a, nimin lama Verma-a’n a chhanna a thehluh pawhin thuruk anga vawn rih tur a nih thu pawh an sawilang nghal ngei tih a sawi bawk a, CBI hotute chu thubuai ngaihsak pawh phu loa an ngaih hman hial thute a sawi bawk. Verma-a’n CVC report a chhanna a darh avang hian Supreme Court chuan a thubuai ngaihtuah hun hi tun thla ni 29-ah a sawn a ni.
