CBI DIG Manoj Kumar Sinha-a’n Rakesh Asthana chhuinaa Union minister Haribhai Parthivbhai Chaudhary, National Security Advisor Ajit Doval leh Central Vigilance Commissioner K V Chowdhury inrawlh an tum nia a sawi avangin Congress-in chhui chian an phut.

Congress chuan hei hi Parliament lamah pawh sawi chhuah an tum tih an sawi a, an party thupuangtu, Randeep Surjewala chuan eirukna leh hlemhletna do tura insawi sorkar laipui chuan a hum ta zawk em ni tih chu an zawhna lian ber a nih thu leh heng mite hi PM Office-a awmte an nih leh nih loh te pawh an hriat duh thu te a sawi a, tunhnaia Intellignece Bureau bakah Research and Analysis Wing leh CBI chhunga buaina a awm laia boruak dang a chhuak leh a chhui chiang thei ber tura ngaih CVC lam pawh inhnamhnawih anga sawi a ni chu ram danpui tan pawh thil hlauhawm a tlin thu a sawi bawk a ni.