CBDT chuan Lok Sabha member 7 leh state MLA 98 chhui chian mek an ni tih SC a hrilh

Lok Sabha member 7 leh state MLA 98, hausa chak lutuka ngaihte chu chhui chian mek an ni tih vawiin khan Central Board of Direct Taxes-in Supreme Court a hrilh a, CBDT hian naktukah an mi chhuite hming hi court sang berah a thehlut dawn. Uttar Pradesh khawpui, Lucknow-a pawl pakhat, Lok Prahari-in Lok Sabha member 26, Rajya Sabha member 11 leh MLA 257-te an hausa chak lutuk nia an sawi hnua Income Tax Department-in MP leh MLA-te sum dinhmun a endiknaah, Lok Sabha member 7 leh MLA 98-te hausakna hi nasa takin a pung tih a hmu chhuak niin CBDT hian a sawi a, Lok Sabha member 9, Rajya Sabha member 11 leh MLA 42 dangte sum dinhmun pawh endik mek a ni tih Supreme Court chu a hrilh bawk a ni.