Cauvery Management Board din a la nih loh vangin Supreme Court-in na takin sorkar laipui a khak

Tamil Nadu leh Karnataka state-te’n Cauvery lui tui an insem dan tur thuneitu sang, Cauvery Management Board din a la nih loh vangin Supreme Court-in na takin sorkar laipui a khak. Court thuneihna sang ber chuan sorkar laipui chu vervek taka thil ti leh a thil hriatthiam reng haider luiah a puh a, buaina chhuak palh thei veng reng turin Karnataka leh Tamil Nadu state-te a hriattir bawk a ni. Puan tawh angin, kumin February thla khan Supreme Court chuan Cauvery lui tui insem dan tur ruahmanna siam tur leh May ni 3-a thehlut turin sorkar laipui a lo hriatir tawh a, hei hi sorkar laipui chuan thil rel fel mai theih loh leh mipuite rilru sukthlek tibuai thei thil a nih vangin, Karnataka State Assembly inthlan zawha ngaihtuah chhunzawm a rel thung a, hei vang hian AIADMK leh DMK-te chuan Parliament Budget Session-ah pawh an lungawi loh thu inkhawm tibuai khawpa an au chhuahpui bakah, party pahnih-te hian chaw ngheia nawrh leh total bandh te pawh an lo huaihawt tawh bawk a, State sorkar pawhin Court thupek zah loh thubuai, sorkar laipui lakah a thehlut tawh bawk a ni.