He inkhawm, Aizawl Bishop Most Rev. Stephen Rotluanga kaihhruaiah hian Diocese puma puithiam zawng zawngte an tel a, hei hi Krista Puithiamna \awmpuitu Bishop leh Puithiamte inpumkhatna lantirna a nih bakah Lalpan zanriah hnuhnung, A taksa leh thisen a pek hriatrengna leh Kalvari inthawina ti thar zel tura Puithiamte hnena thuneihna hlanna a ni bawk.
Hemi rual hian ni hnih awh Spiritual Seminar neih nghal a ni a, bial hrang hranga Puithiam leh Nun serh thianghlimte leh Lay Leaders ten “Chanchin \ha Puantharna” tih thupui hmangin Lent hun chhunga thil pawimawh, mahni nun bihchianna, Pathian tana rawngbawlna leh inpumpekna neih tawh dan leh thuk lehzuala Lalpa tana nun hlan tura inlamletna nun pawimawh zia te an sawiho a ni.
