Catholic Kohhran Aizawl Diocese Bishop, Most Rev. Bishop Stephen Rotluanga’n vawiin khan Deacon Henry Laldinmawia chu dam chhunga puithiam atan a nemnghet.

Nemngheh inkhawm hi Aizawl Ramthar Venga St. Lawrence Church-ah neih a ni a, Muthi khuaa Pu Calesta Hranghnuna leh Helen Lalthazuali-te fa pathum zinga upa ber Father Henry Laldinmawia hian a naupang tet a\angin puithiam nih hi a tum a. Pawl 7 a zawh hnuah Kolasib-a St. Joseph Minor Seminary-ah a lut a. Heta \ang hian pawl 12 a zawh hnuah Chabua-ah Spirituality Course thla 10 chhung a zir a, kum 2013 khan Nagpur-a St. Charles Seminary-ah BA a zir leh a, kum 2016 khan Oriens Theological College-ah kum 3 leh a chanve chhung Bible a zir a ni. Nikum June 23 khan Deacon atan nemngheh a lo ni tawh a, amah hi Zo hnahthlak zinga Catholic Puithiama nemngheh 32-na a ni.