Catalonia ah lungawi lohna lantirtute leh Police te an innawr buai

Supreme Court in inlak hran tumtute lakah dan anga hremna lekkawh a tum thu a puan vangin Spain awp ram Catalonia ah lungawi lohna lantirtute leh Police te an innawr buai. Supreme Court chuan Catalonia hruaitu \henkhat mi 25 te chu helna chawh chhuah thubuai leh sorkar dodal thubuai te siamsak an nih tur thu a puang a, thiam loh chantir an nih chuan kum 30 thleng lung in tantir theihna a ni. Barcelonia-a nizana lungawi lohna lantirtute hnawhdarh an tumnaah Police te chuan tiang hmangin pungkhawmte an vua a, mi 20 an hliam a, Catalonia hmun dangah te pawh lungawi lohna lantirin mipuite an pungkhawm a ni. Madrid ah chuan Supreme Court in catalonia hruaitu te zinga mi 5 chu bail theih loh tura man turin thupek a ti chhuak a, October thlaa sorkar phal lohnaa zalenna an puan avangin heng mi 5 te hi thubuai siamsak an ni. Supreme Court thuchhuak hi Catalonia in zalenna neih tuma a beihna hmeh mih tuma hmalakna lian taka ngaih a ni.