Indian Medical Association, Mizoram State Branch leh ZONET \angkawpin mipui a\anga zawhna chhanna hunah Mizoram State Cancer Institute a cancer doctor Dr B Zothankima, MD ‘Radiation Oncologist’ chuan Bachhim chu tun dinhmunah Chinese Medicine leh Indian Medicine Ayurveda ten Sazu-ah an enchhin thu te, kum 2015 December thla a\anga Malaysia mithiamten laboratory-a an zir chianna, kum 2018 May thlaa an tihchhuahte chu chhiar theiha a awm thu te a sawi a. Chungah chuan cancer natna \henkhatah a thawk ve nia hriatna a awm rualin cancer tan a \ha e, \ha lo e tih chu sawi huai a la har rih a ni a ti a. Bachhimah hian chemical dang engzat nge awm hriat a la nih loh thu leh side effect engzat nge awm pawh hriat a la nih loh thu a sawi a. Cancer cell that thei chemical awm pawh la zirchian loh a nih avangin, cancer vei zingah ei an awm a nih pawhin anmahni enkawltu doctor te rawn a him a ni a ti.
(Bite of Dr B zothankima)
Dr B Zothankima chuan natna chungchangah mahni thua Google a\anga natna chungchang en nasat lutuk chuan tul loah rilru hahna a siam nasa hle tih a sawi a, google a hmeh chhuah zaa 80 chu medical science atanga thlirin a rintlak lo a ni a ti. Indian Medical Association leh ZONET tangkawp buatsaih mipuite zawhna hi natna chi ruk a\anga lakkhawm a ni tawh a. Natna pathuam Skin, Cancer leh ENT kaihhnawiha mipuite zawhna, doctor thiamte chhanna chu Zanin zan 8 leh a chhunzawmna Nakzan zan dar 9-ah Zonet Zawlbukah tihchhuah a ni ang.
